Oraingoz funtzionatzen duen erregistro publikoa 2007. urtea ezkero obra-lizentzia duten eraikinen energia ziurtagiriarena da. Etxebizitza eta lokal horien ziurtagiriak txostena egiten duten teknikariek sartu behar dituzte erregistro horretan, eta derrigorrezkoa da.
Eraikin zaharragoen ziurtagiriaren erregistroa oraindik sortu barik dagoenez, etxebizitzen eta lokalen jabe askok oraindik ez dute txostena enkargatu. Bada, laster sortuko denez, derrigorrezkoa duten jabe guztiek eginbeharrak lehenbailehen egitea gomendatzen da. Izan ere, saldu edo errentan eman nahi diren lokal edo etxebizitza guztiek ezinbestean izan beharko dute energia ziurtagiria.
Industria Sailak hainbat argibide eman ditu bere webgunean.