Kontseiluak egindako prentsaurrekoan aurtengo edizioak elkarlanari bidea zabalduko diola adierazi dute. Dinamikaren funtsa jendarte mugimendu zabala eratzea dela esan du Paul Bilbaok, Kontseiluko idazkari nagusiak, dinamika bera aurkeztu zenean esandakoak gogora ekarriz: “Euskararen normalizazio prozesuan urrats kualitatiboak eman nahi baldin baditugu, beharrezkoa da eraldaketa soziala ematea eta eraldaketa sozial horretan guztiok dugu zer egina eta zer esana.”
Filmak zinema aretoetan erakutsiko dira
Iazko lehiaketak harrera ona izan zuen eta aurtengoak ere bide horretan jarraitzea espero du Kontseiluak. Zinemagileentzat bi eszenatoki garrantzitsu izango dira, aukera emango diena euren lanak nazioarteko bi zinemalditan aurkeztuak izan daitezen. Irabazleek dirutan jasoko duten sariaz gain, Donostiako Zinemaldian eta Hendaia Film Festival-en egingo diren jendaurreko emanaldiak izango dituzte sari, eta seguruenik beste zinema-aretoetan ere ikusgai egongo dira.
Lehiaketan parte hartzeko oinarriak www.euskarazbizinahidut.org atarian.