Ekainaren 3an, Eusko Jaurlaritzak etxetresna elektrikoei buruzko 2013ko Renove Plana jarri zuen abian, kontsumo handiko etxetresna elektrikoak efizientzia handiko beste batzuekin ordezteko, eta orain plana amaitu da, laguntza horietarako zeuden 1,5 milioi euroak bukatu direlako.
Energiaren Euskal Erakundeak 13.184 laguntza-eskaera kudeatu ditu beste hainbeste etxetresna elektrikotarako: 7.663 arropa-garbigailu, 3.190 hozkailu, 2.061 ontzi-garbigailu eta 270 izozkailu.
Etxetresna elektriko berrietatik 7.359 unitate A++ klasekoak dira, eta horietako bakoitzari 105 euroko laguntza eman zaio; 5.825 unitate A+++ klasekoak dira, eta horietako bakoitzak 125 euro jaso ditu.
Bizkaian egin dira 7.159 salerosketa; Gipuzkoan, 4.564, eta Araban, 1.461.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.