Aitor Zabaleta eta Aitor Ramirez garaile Gatzagan; beste gidari bat zauritu egin da

Gaur jokatu da Gatzagako XVII. igoera eta Aitor Zabaleta eta Aitor Ramirezek irabazi dute. Juan Ignacio Zelaia pilotu oñatiarrak erredurak izan ditu.

Beroa egin du, asko, eta gidariek nabaritu dute hori. Denera 48 partaide izan dira. Hiru saioren ostean horrela geratu dira sailkapenak.

Monoplazak:

  1. Aitor Zabaleta
  2. Aitor Arakistain
  3. Joseba Iraola

Turismoak:

  1. Aitor Ramirez
  2. Ander Corcuera
  3. Markel Cestafe

Istripu larririk ez da gertatu, baina Juan Ignacio Zelaia pilotu oñatiarraren kotxeak su hartu du. Ospitalera eraman behar izan dute; erredurak dituen arren, bere egoera ez da larria. Dirudienez, autoaren akatsen batek eraginda sortu zen sua; eskuetan eta aurpegian ditu erredurak.

Sari-banaketa 20:00etan egin dute Eskoriatzan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.