Partida onak jokatu zituzten Arrasate-Arlutz taldeko lagunek Eibarren. "Arratsaldea pasatzera joan ginen bertara. Bagenekien talde indartsuak zeudela eta lan txukuna egin genuen; bigarrenarekin –Errenteriako Fomento Cultural– ia berdintzea lortu genuen, gainera".
Gros Xake Taldearentzat izan zen garaipena Eibarren. "Talde indartsua da, egun dagoen onenetarikoa", Aitor Alcaideren esanetan.
Uztailerako planak egiten
Arrasate-Arlutz taldeko zenbait kide planak egiten ari dira uztail amaieran Frantzia aldera, Normandiara, joateko. "Oraindik ez dakigu zehatz joango garen, baina uztailaren 27tik abuztuaren 3ra jokatzen den lehiaketa batean parte hartu gurako genuke".