Hala, antolatzaile lanetan dabilen, eta zapatuan lasterketa Golf GTI barrutik biziko duen Ander Corcuerak eman dizkigu xehetasunak: "Lasterketa antolatzeko Arlabango mendateak erraztasun handiagoak ematen dizkigu, Gatzagako errepide zaharretik egiteak buruhausteak sortzen dizkigulako bai guri, eta baita gatzagarrei ere. Egia da Arlabanek ez duela Gatzagako errepideak duen karisma, baina iaz konturatu nintzen oso igoera ederra dela, azkarra. Eta baita, bertako kurbak ez ditugula Gatzaga zaharrekoak moduan ezagutzen".
Luiziek hainbat arazo
Aurtengo neguko euriteek, baina, hainbat luizi sortu dituzte Arlabanen, eta horrek lasterketa baldintzatuko du: "Igoera laburragoa izango da, ez gara Marisaraino iritsiko, goialdean errepidea txarto dagoelako, baina hasi ere lehenago hasiko gara, Eskoriatza baino apur bat gorago. Lau kilometro pasatxoko igoera izango da. Argi igoerako lehen kurbarekin, akaso hura da politena".
Bailarako pilotuak:
Aitor Zabaleta Lola BMW
Ruben Nogueiras Silver Car
Aitor Ramirez BMW 320 ST
Markel Cestafe Mitsubishi EVO
Juan Inazio Zelaia Mitsubishi EVO
Ander Corcuera VW Golf 1.8 GTI
Mikel Otxoa BMW Touring
Alberto Murillo BMW M3
Iker Cruz R. Clio Sport
Aitor Frutos R. Clio Sport
David Ardions R. Clio Sport
Iosu Agirre VW Golf g60
Urtzi Samaniego Audi S3
Gorka Idigoras Opel Astra GSI
Monika Muñoz Citroen ZX
Emilio Huerta Peugeot 306 GTI
Ander Lezeta Peugeot 206 HDI
Joseba Frutos Citroen AX Spo.