Lehenengoari dagokionez, zerbitzu berria da, Oñatiko bizilagunek hiriburuekin lotzeko aukera izan dezaten. Oñatitik San Prudentziora ordu erdiro autobusak aterako dira, goizeko 06:05ean hasi eta gaueko 22:05era bitartean. San Prudentziotik 06:20tan lehenengoa, 22:20ean azkena.
San Prudentzion ibilbide luzeko zerbitzuekin konbinatzen da, batez ere, Gasteizkoarekin (5 minutuko transbordoa), Donostiakoarekin (15minutuko transbordoa) eta Loiukoarekin (5 minutuko transbordoa). Bilbokoaren kasuan, egungo Oñatikoez gain, goizeko lehenengoarekin eta eguerdikoarekin ere San Prudentzion 5 minutuko itxaronaldiarekin egin liteke autobus aldaketa.
Beste konbinazio aukera batzuk ere badaude, eskualdeko beste herrietara joateko aukerak ugaritu egiten direlako: Eskoriatza, Arrasate. Aretxabaleta eta Bergara.
Elgeta Bergararekin lotzeko, taxibusa
Eskaintza berria da hori ere. Bost zerbitzu egingo ditu Elgeta eta Bergara lotzeko. Horietatik hiru finkoak eta bi eskaripekoak izango dira, astegunetan. Asteburutan hiru zerbitzu izango dira, eta hirurak eskaripekoak.