Nekane Arratibel HUHEZIko dekanoak, eta Iban Arantzabal HEKIMENeko presidenteak sinatu dute hitzarmena. Honetaz gain, gaineratu dute, jarraipen bat emateko batzorde bat izendatuko dutela. Akordioan, hiru eremu nabarmendu dituzte: ikerkuntza, praktikak eta berrikuntza.
Ikerkuntzari dagokionean, aztertu beharreko lanak euskarazko hedabideen esparrua eta informazioaren kontsumo ohiturak izango dira. Zehazki, honako gaiak: euskarazko hedabideen audientzia-neurketak; kontsumo joerak eta hedabide arloko berrikuntza; hedabide publikoen, ez publikoen eta administrazioaren arteko harremana; beste hizkuntza gutxitu batzuetan diharduten hedabideen praktiken azterketa; eta euskarazko hedabideei buruzko mintegi eta jardunaldien antolaketa.
Praktikak, berriz, HUHEZIko ikasleek HEKIMENeko hedabideetan burutzeko aukera izango dute. Baita ere, Goikolab ideia-laborategian bi erakunde hauen komunikazio proiektuak jorratzeko posibilitatea.
Azpiegituretan, ostera, HEKIMENek Aretxabaletako campuseko zenbait gela erabili ahal izango ditu.
Mondragon Unibertsitatearen Humanitate eta Hezkuntza Zientzien Fakultateak -HUHEZI- eta HEKIMEN taldeak -euskarazko herri ekimeneko hedabideez osatua dagoena- elkarlanerako hitzarmena sinatu dute. Biak batera hainbat esparrutan lankidetzan arituko dira: ikerketa lanetan, euskarazko komunikabideen esparruan eta informazioaren kontsumoa arakatzean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak