Emakumeen Bira eta Udanako igoera gaur 22:00etan

Aretxabaleta izan da aurtengo Emakumeen Birako txapela jantzi duen Emma Johanssonen abiapuntua; bertan hasi eta bukatu zen egubakoitzeko etapa, eta helmugara heltzen azkarrena izan zen Johansson, Elisa Longo-Borghinirekin batera. Tximista, trumoia eta euria izan ziren nagusi, baina jendetza batu zen helmugan ez ezik lasterketa igaro zen puntu ezberdinetan ere. Eta baldintza horietan jokatu zen zapatuan Udanako VIII. auto igoera ere, baina albiste onak izan ziren parte-hartzaile debagoiendarrei dagokienean: David Ardions oñatiarrarena onena; turismoetan garaile izan zen. Proba biak luze eta zabal jorratuko dituzte 'Harmailatik' saioan gaur, 22:00etan hasita.

Asteburuko kirol kronikak:

• Emma Johansson azkarrena, Emakumeen Birako Aretxabaletako etapan
• Aitor Arakistain, azkarrena Udanan
• Oihana Kortazarrek Kosta Trail irabazi du, Bizkaian
• Txirrindularitzako San Antonio Saria azken metroetan erabaki zen
• Denboraldiko jokalari onenak saritu ditu Eskoriatza K.E.-ak