Maisuki interpretatu zuten Mozart-en 'Requiem' pieza Oñatiko Abesbatzak eta Bergarako Orfeoiak atzo, domeka, Oñatiko San Migel parrokian. Musika klasikoaren historian obra garrantzitsuenetakoaren intentsitatea eta sentimendua ondo baino hobeto transmititu zituzten.
Guztira 120 lagunek eman zioten bizitza obrari Aitor Biainen gidaritzapean, eta San Migel parrokiara hurbildutako ia 1.000 lagunen belarriek gustura entzun zuten Mozart-ek hil aurretik konposaturiko meza.
Zortzi hilabetez gogor lan egin ondoren, abesbatza eta orfeoiaren arteko elkar ulertzea erabatekoa izan zen eta pasarte bakoitzari beharrezko intentsitatea eta gozotasuna eman zizkioten.
Requiem-aren hurrengo geltokia Bergarako San Pedro eliza izango da ekainaren 29an, elizaren inaugurazio ekitaldian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak