%2016.39.01.jpg)
TOKIKOMek, euskal komunikabideen bateraguneak, euskal hedabideen etorkizunari buruzko gogoeta sakonean dihardu iaztik mintegi eta batzordeetan. Lantalde eragileko kideak dira argazkikoak: Mondragon Unibertsitatetik Aitor Zuberogoitia eta Eneko Bidegain, Hekimeneko ordezkari gisa Alberto Baranduaran, Tokikometik Mikel Irizar eta Joxe Rojas, eta Haritz Solupe, aurreko astean HUHEZIko Aretxabaletako fakultatean.
Euskal hedabideen egungo egoeratik jota, etorkizuneko joerak ikertu eta marraztuko dituzte hausnarketan, egitura funtzional batekin, eztabaida eragin eta sektoreko ikuspegiak adosteko. Hain zuzen, ekainen, Udako Ikastaroen baitan, lanaren aurrerapen bat emango da Kike Amonarrizek zuzenduko duen Hizkuntza normalizazioa eta hedabideak: etorkizuneko erronkak izeneko ikastaroan.
Urte hasieran TOKIKOMek Mondragon Unibertsitatearen Komunikazio adarrarekin hitzarmena sinatu zuen hainbat ikerketa eta landa lan egiteko eta bidelagun du euskal hedabideen Hekimen elkartea ere.