Eusko Jaurlaritzak martxan jarri du 'renove' plan berria

Etxetresna elektrikoetan eta galdaretan aplikatuko da. Laguntza horiek 105 eta 200 euro artekoak dira. Deskontua momentuan aplikatuko da, eta irailaren 31ra arte egongo da indarrean.

Eusko Jaurlaritzak kaleratu berri duen programaren helburua energia aurreztea da, izan ere, gaur egungo etxetresna elektronikoak eraginkorragoak dira zaharrak baino. Gainera, salmentei bultzada emango dio. Dirulaguntza 105 eurokoa izango da A++ marka badu eta 125 euro A+++ etiketa izanez gero. Hau da, energia gehien aurrezten duenari, gehiago ordainduko zaio.Hozkailu, garbigailu eta ontzi-garbigailuetan aplikatuko da. 

Gainera, 200 euroko laguntza emango da galdara zahar bat, berri batengatik ordezkatzen bada. Bezeroentzat, aukera ona da hortaz. "Bezeroentzat aukera ona" dela azpimarratu du Igor Loitik (Almacenes Arrasate). "Jendea programa honen berri izan arte itxaroten egon da" gaineratu du.

Eusko Jaurlaritzatik aurreikusten dute 13.300 etxetresna elektroniko berritzea. Epeari dagokionez, irailaren 31an amaituko da, edo lehenago, aurrekontuko diru-hornidura agortzen bada.


ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.