Debagoienean, 3.776 langabe (%12,67ko langabezia tasa) zeuden urtarrilean; 3.868 (%12,98), otsailean; 3.825 (%12,83), martxoan; 3.775 (%12,66), apirilean; eta 3.724 (%12,49), maiatzean. Langabeziari dagokionean, aurtengo urteak orain arte emandako daturik onena da, beraz, maiatzekoa.
Herriz herri
Herriz herri, langabe kopuruak behera egin du Aretxabaleta, Bergara, Eskoriatza, Leintz Gatzaga eta Oñatin; gora egin du Antzuolan eta Arrasaten; eta berdin mantendu da Elgetan.
Antzuolan, 114 langabe zeuden maiatzean (%10,45); apirilean, 112 (%10,27).
Aretxabaletan, maiatzean, 340 (%10,06); apirilean, 344 (%10,17).
Arrasaten, maiatzean, 1.565 (%15,10); apirilean, 1.577 (%15,22).
Bergaran, maiatzean, 905 (%12,90); apirilean, 932 (%13,29).
Elgetan, maiatzean, 49 (%9,04); apirilean, 49 (%9,04).
Eskoriatzan, maiatzean, 230 (%11,29); apirilean, 236 (%11,59).
Leintz Gatzagan, maiatzean, 10 (%7,41); apirilean, 11 (%8,15).
Oñatin, maiatzean, 511 (%9,74); apirilean, 514 (%9,79).
Debagoienean, maiatzean, 3.724 (%12,49); apirilean, 3.775 (%12,66).
2013ko maiatzeko langabezia tasa 2012ko maiatzekoarekin alderatuz gero, baina, aurtengoa ordukoaren gainetik dago: egungo langabezia tasa %12,49koa da, eta ordukoa %11,02koa.
Langabe gutxiago Hego Euskal Herrian ere
Langabezia tasak behera egin du Hego Euskal Herrian ere: apirilean baino 1.630 langabe gutxiago zeuden maiatz amaieran, 231.403 guztira. Araban, Gipuzkoan eta Nafarroan jaitsi da langabezia (Nafarroan, gehien), igo, aldiz, Bizkaian. Maiatzean, 28.161 langabe zeuden Araban, apirilean baino 162 gutxiago; Bizkaian, 100.188, apirilean baino 190 gehiago; Gipuzkoan, 49.869, apirilean baino 399 gutxiago; eta Nafarroan, 53.185, apirilean baino 1.259 gutxiago.
Langabezia tasak behera egiteko hilabetea izan ohi da maiatza, eta hala egin du aurten ere. Hala ere, iazko maiatzean handiagoa izan zen langabe kopuruaren beherakada.