Ekainaren 10ean bukatuko da Etxebideko erregistroan aldaketak egiteko epea

Euren datuak eguneratu barik dituzten Etxebideren erabiltzaileek ekainaren 10era arte dute epea zabalik aldaketen berri emateko Etxebizitzaren Euskal Zerbitzuari. Erregistroaren arautegi berriak ezarri du datuak eguneratzeko beharra.
Etxebideren webguneak artxibategian, erraz egin daitezke arautegira egokitzeko beharrezkoak diren aldaketak; aldaketek eska daitezkeen udalerri eta araubideei eragiten die, batez ere.

Enplegu eta Gizarte Politiketako Sailak dioenez, Etxebizitza-eskatzaileen Erregistroari eta Babes Ofizialeko Etxebizitzak nahiz Araubide Autonomikoko Zuzkidura-bizitokiak Esleitzeko Prozedurei buruzko Agindua indarrean jarri zenetik (2013ko urtarrilaren 2an), etxebizitzen eskaera erosketa-araubidean edota alokairu-araubidean bakarrik egin daitezke, eta ez bietan batera, orain arte egin zitekeen bezala.

Era berean, etxebizitza eskatzailea erroldatuta dagoen eta/edo lan egiten duen udalerrian eskatzeaz gain, beste udalerri batean ere eska daiteke. Gainera, udalerriak, orain, eremu zabalago baten barruan kokatzen dira (eskaeraren eremu funtzionala).

Zalantzak izanez gero, ondoko kanal hauen bitartez jar zaitezkete Etxebiderekin harremanetan:

 

  • 012 telefonoa: 8:00etatik 20:00etara
  • Aurrez aurre, 9:00etatik 14:00etara, helbide hauetan:

                      o Araba: Ramiro Maeztu 10
                      o Bizkaia: Kale Nagusia 85 – 1. (etxebizitza)
                      o Gipuzkoa: Andia 13

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.