Aramaio, Aretxabaleta, Eskoriatza, Oñati, Arrasate, Antzuola, Bergara eta Elgetako Herri Eskoletako 4. mailako ikasleek egun osoa eman zuten elkarrekin. Debagoieneko XII. Jolas eta Joko Tradizionalen topaketa egin zuten. Urteroko hitzordua da, eta aurten 350 bat ikasle elkartu dira elkar ezagutu eta joko tradizionalen bueltan egun pasa egiteko. Giro polita sortu zela esan dute arduradunek.
Bergaran egin zuten topaketa, eta eguraldi txarra egin zuenez jokoak Labegaraietan egin zituzten.