Zegama-Aizkorrirako prest daude Debagoieneko korrikalariak

Domekan, hilaren 26an, egingo da 2013ko Zegama-Aizkorri maratoia. 20 lagun dira gure eskualdekoak. Goizeko 9:00etan hasiko da hamabigarren nazioarteko maratoia. Oihana Kortazar elgetarra ere han izango da, azken bi ediziotako irabazlea.

Aurtengo edizioan 521 korrikalarik hartuko dute parte; eta hogei izango dira ibarrekoak. Tartean Oihana Kortazar.

Iaz asko sufritu zuten denek egin zuen eguraldi kaskarrarekin, eta aurten badirudi hobea egingo duela.    

Mendi-laserketak gogoko dituztenek aukera paregabea dute domekan; maila goreneko proba batekin gozatzeko aukera dute. Gainera, ibarreko 20 ordezkari han izanda, seguru giroa ederra egongo dela. Ea eguraldiak laguntzen duen. Haitzean gora eta behera lasterka egin eta denbora onak egiteko garrantzitsua baita. Badirudi baietz.  
                         

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.