Debagoieneko eta Debabarreneko pilota-txapelketako finalak bihar, zapatua, izango dira; han izango dira Arrasateko eta Bergarako ordezkariak.
Kadeteetan, Debakoen aurka aritu beharko dute arrasatearrek, Josu Egiak, Josu Zezeagak eta Markel Moronek. Azken horrek, gainera, dakien moduan jokatzen badu, iaz lortutako garaipena errepikatu dezake. Gazteen mailan, Ander Aristi eta Dani Diez bergararrek jokatuko dute; frontoian Soraluzekoei egin beharko diete aurre. Nagusien mailan, Arrasateko pilotariak iritsi dira finalera, Haritz Zuazua eta Ibai Bolinaga; horiek ere soraluzetarrekin lehiatu beharko dute.
Ikusi egin beharko da, nolako maila ematen eta, mailaz maila, zer emaitza lortzen duten.