Erakusketak formatu handiko –40x60– argazkiak biltzen ditu. Zentroan arreta jasotzen duten pertsonak islatzen dituzte argazkiek, eta gainera, pertsona horietako bakoitzaren aurkezpen bat ere egiten da: nongoak diren, ze adin duten eta ze asmo eta zaletasun dituzten.
Bergarako Uliazpi zentroan arreta jasotzen duten eta adimen-ezgaitasuna duten pertsonak ezagutzera emateko asmoz, argazki-erakusketa antolatu dute Bergarako zentroak eta Oñatiko Udalak elkarrekin, 'Zu bezalakoa naiz' izenburupean. Argazkiak zentroko zaintzaileetako batek –Alicia Garciak– egin ditu, lankideekin elkarlanean. Maiatzaren 26ra bitartean egongo dira ikusgai, astelehenetik domekara, 18:00etatik eta 20:00etara, Oñatiko kultura etxean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak