38.000 euro bideratu ditu Kultura, Gazteria eta Kiroleko departamentuak aurten Uda 2013 programara. Iaz, 30.000 pertsona baino gehiagok hartu zuten parte kanpainan . Horietarik %46 emakumezkoak izan ziren.
Helburuak
Kanpaina honen helburuak honakoak dira: ikasleei eskuragarri uztea udan ere kirola eta jarduera fisikoa egiteko aukera eta aurretik ezagunak zaizkien kirolez gain beste batzuen ezagutza erraztea.
Kirol jarduera horiek ikasturtean zehar egindako jardueren osagarri dira, honela gazteek hezkuntza integrala izan dezaten. Kanpaina honen xedea kirolzaletasuna bultzatu eta etorkizunean bizimodu osasuntsua izaten laguntzea da.
Eskeintzen diren ekintzak:
Udarako ekintzarik aproposenak luzatuko dira: surfa, piraguismoa, bela, urpeko jarduerak, kayak, polo edo waterpolo, besteak beste izango dira urten gauzatuko direnak. Bestalde orientazioa, eskalada, ziklo indoor, karate, tenisa, padela, mountain bike, herri kirolak, pilota, multikirola, futbola, eskubaloia, saskibaloia eta beste kirol batzuk egiteko aukera ere egongo da.