LABek, Metaleko arduradun Jon Ander Goñiren ahotan, Adegiri negoziatzeko eskatu dio, "jarrera maximalistak alde batera" utzita.
Metaleko negoziazio-mahaia oso gorabeheratsua izaten dabil eta apirilaren 9a ezkero ez dira aldeak batzartu. Hitzarmen hori da, gainera, Gipuzkoan langile gehien hartzen dituena.
Espainiako Gobernuak lan-erreforma onartu zuenetik, pixkana-pixkana hitzarmenen mapa aldatzen dabil, erreformak negoziazio-zentroa enpresa bakoitzean jartzen duelako. ELAren jarrera enpresa-hitzarmen sendoak lortzea da, era berean "metaleko langileendako erreferentzia ona" izango den probintzia-hitzarmena lortuz, ELAren esanetan.
Erantzunen zain
Debagoieneko zenbait enpresak dagoeneko badute bere hitzarmena, baina horietako langileei ere, elkartasunaren izenean, greba egiteko eskatuko diete sindikatuek.
Bestalde, deialdia "sindikatu guztiei" egiten die LABek eta datozen egunotan erantzun gehiago espero ditu.