Ruper Ordorikak diskoa kaleratuko du udazkenean

Hogeita batgarren diskoa bidean du dagoeneko oñatiarrak; orain hilabete grabatu zuen Azkarate estudioan Mugalariak taldekideekin eta astean abeslariak kontatu moduan, dena ondo bidean, udazkenean izango da kalean. Bihar, zapatuan, Aretxabaletako Arkupeko Zaraia aretoan izango da Ordorika, 22:00etan; gitarra konpainia bakarra duela egingo du 'Bakarka' emanaldia. Sarrerak leihatilan salduko dituzte, 21:30etatik aurrera.

Aretxabaletan estreinakoz izango da Ruper Ordorika, azkenaldian egiten ari den formatu txikiko emanaldia eskaintzen. Markinan, Tafallan eta Lasarten izan ondoren, bihar Arkupen erakutsiko ditu biluztutako kantuak. Gogotsu dabil oñatiarra Bakarka izenarekin bataiatutako emanaldiak egiten. Aspalditik zuen beharra betetzea lortu duela dio eta asko ikasi duela amaitzear duen bira berezi honetan. Datorren urtean ere, asmoa du areto txikietara bueltatu eta formatu horrekin probatzen jarraitzeko.

Taldearekin ere bai

Bakarkako kontzertuez gainera, ohiko taldearekin ere ari da emanaldiak eskaintzen; orain urte eta erdi kaleratutako Hodeien azpian diskoa oinarri hartuta. Udazkenerako baina, errepertorioa aldatuko dute, kalean izango da-eta, oñatiarraren lan berria.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.