Aldundiak errepideetan ibiltzen diren txirrindulariekiko errespetua eskatu du

Eneko Azkarate Laspiur 2013ko mai. 8a, 17:34

Gipuzkoako Foru Aldundiak bere doluminak adierazi ditu Joseba Larrinaga (1968 Aretxabaleta), atleta paralinpiar ohia, atzo hil zelako. Bizikletan zihoan A-2620 errepidetik, eta auto batek jo zuen Aramaion.

Ikerne Badiola Kultura, Gazteria eta Kirolen diputatuak "txirrindularien errepideetatik joateko eskubidea" aldarrikatu du eta auto gidariei eskatu die "arreta handiz jokatzeko horrelako gertaerak berriro gerta ez daitezen". Gipuzkoako Foru Aldundia hileta-mezan egongo da.

1996ko Paralinpiar Jokoetako maratoian zilarrezko domina Atlantan irabazteaz gain, Larrinaga bosgarren gertatu zen 5.000 metroko lasterketan. 2000ko Sydneyko Olinpiar Jokoetan maratoian ere bosgarren izan zen.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak