AED euskara elkarteak antolatutako 26. Arrasate literatur lehiaketak azken txanpan sartu dira. Gaur, eguena, egingo da sari banaketa ekitaldia, 18:30ean, Kulturateko areto nagusian. Aurten 198 lan aurkeztu dira: 124, ipuinen atalean; 46, poesien atalean; eta 28, bertso-paperen atalean. AED pozik dago parte-hartzearekin: "Alde batetik gora egin duelako kuantitatiboki [iaz 138 lan aurkeztu ziren] eta, bestalde, orain arte parte hartu izan ez duten Eskoriatza, Bergara eta Oñatiko hainbat eskoletatik ere bidali dituztelako lanak". Sari banaketa ekitaldian Uxue Alberdi bertsolari eta idazlea izango da aurtengo gonbidatu berezia. Finalistak zeintzuk diren jakiteko klikatu albiste barruan.
Finalisten zerrenda
Ipuinen atalean: Malen Arana Errasti, Koldo Zubia Salas, Ane Arrieta Umerez, Judith Zubia Aranburu, Irune Loza Quintero, Ander Arregi Altuna, Iñaki Goitia Lukas eta Ainhoa Barberan Garai.
Poesia atalean: Manex Carabias Aznar, Alaitz Barrutia Ezpeleta, Leire Etxezarreta Learreta, Ane Zuazubiskar Iñarra, Ana Muñox Txintxurreta eta Elene Etxaniz Agirre.
Bertso-paperen atalean: Jokin Godoi Gutierrez, Josu Fradejas Rodriguez, Ixak Sarasua Antero, Jone Perez Moreno eta Ane Zuazubiskar Iñarra.
