ASAP programak errenta mugatuan etxebizitza alokatzeko aukera ematen du: 550 euro hileko, gehienez ere, Arrasaten; 400, Aramaion eta Gatzagan; eta 475, Debagoieneko gainerako herrietan. Horren truke, etxearen jabeari errenta jasoko duela eta etxebizitza ondo egongo dela bermatzen dio Eusko Jaurlaritzak. Berme hori aseguru-poliza baten bitartez ematen da. Informazio gehiago www.etxebide.euskadi.net webgunean dago.
ASAPen bitartekariak izateko zenbait immobiliaria daude Jaurlaritzak homologatuta: Debagoienean, Deba-Garaia, Arrasaten, eta Cortabarria, Oñatin.