%2016.11.39.png)
Gaur egun errenta egiteko 3 modu daude eta guztietan erabili daiteke euskara.
1. Mekanizatua: Haziendako bulegoetan egiten da eta Debagoienean Bergaran dago bulego hori. Hitzordua eskatu behar da telefonoz, Internetez edo bulegoan bertan.
- Hitzordua hartzerakoan adieraz ezazu Haziendarekin harremanak euskaraz izan nahi dituzula.
- Haziendarekin aurrez-aurreko harremanak, nahiz telefono edo Internetekoak euskaraz izan ditzakezu, horrela eskatzen baduzu.
- Haziendak sinatzeko ematen dizun orria ere euskaraz jaso dezakezu.
2. Auto-likidazio proposamena: Etxean jasotzen da proposamena, Haziendak eskura daukan informazioan oinarritutakoa. Proposamena onartzeko Haziendarekin harremanetan jarri beharko duzu.
- Proposamena eta eskutitza elebitan jasoko dituzu.
- Jasotako proposamena onartzerakoan euskaraz egin nahi duzula esan eta aurrerantzean Haziendak agiriak euskaraz bidaliko dizkizu.
3. Internet bidezkoa: Bide hau batez ere aholkularitza zerbitzuek erabiltzen dute. Partikularrek ONA, NAN digitala edo pasahitzaren beharra daukate modu honetara egin ahal izateko.
- Errenta programa Internetetik jaitsi eta euskarazkoa aukeratu.
- Aholkularitzaren bat aukeratzen baduzu, espresuki adierazi beharko duzu aitorpena euskaraz egin nahi duzula.
Antzuolan, Aretxabaletan, Arrasaten, Bergaran, Eskoriatzan eta Oñatik aste honetatik aurrera informazioa eskuorriak banatuko dira, errenta aitorpena euskaraz egiteko informazio gisa eta informazio horrekin ere gaiari buruzko hiztegi berezia banatuko da.