Gazteen Euskal Behatokiak 15 eta 29 urte bitarteko 1500 gazteri egindako galdeketa baten oinarrituz, gazteen %54ak azken hilabetean libururen bat irakurri duela dio denbora pasatzeko (ez dira kontuan hartzen lanak ala ikasketek behartuta irakurritakoak). Galdeketa hau Espainiako Kultura Ministerioak EAEko biztanleria orokorrari 2011an egindako ikerketaren arabera, gainera, gazteek, Euskadiko gainontzeko hiritarrek baino gehiago irakurtzen dute.
Jaurlaritzaren azken datu horien arabera, emakume gazteek gizonek baino gehiago irakurtzen dute denbora pasatzeko (%65 emakumeak; %43 gizonak). Lurraldeka, arabarrak dira irakurketa zaleenak (%60), gero gipuzkoarrak (%56) eta, azkenik, bizkaitarrak (%50). Adinaren aldetik, ostera, ez ei dago diferentzia handirik.
Datuak hartuta, Jaurlaritzatik diote igoera orokorra izan dela. Gehien, Gipuzkoan igo da, antza. EAEko gazteak eta Espainiakoak alderatuz gero (Jaurlaritza eta Espainiako Kultura Ministerioaren datuekin), Euskadiko gazteak nabarmen gehiago dira; %54, Espainiako %38aren aurrean.