Bideberri mankomunitateak antolatutako Martxoaren 8ko kartel lehiaketak badu irabazlea. Oier Peñagarikano antzuolarraren Ez dago borroka gabeko garaipenik izeneko kartelak lortu du boto gehien eta antzuolarrak 300 euroko saria jasoko du. Bigarren saria —150 euro— Jone Elkoro elgetarrak jasoko du Batera hobe izeneko kartelarengatik.
Peñagarikanoren kartelak iragarriko du datorren urteko Emakumearen Nazioarteko Eguna Antzuolan, Elgetan eta Leintz Gatzagan.
Publikoaren saria
Boto-emaileen artean ere saria banatu dute. Herriko denda eta jatetxeetan erabili ahal izateko 50 euroko txartela, hain zuzen ere. Bada sari hori ere Elgetara etorri da; Miren Zeziagak jasoko du.