Aramaioko eta Bergarako Herrira mugimenduek Luis Mari Azkargorta 'Kanto' euskal preso aramaioarraren egoera salatu eta antolatuko dituzten mobilizazioen berri emateko agerraldia egingo dute gaur, Sastiñan (19:00). Egitarauko ekitaldien artean aipatzekoak dira apirilaren 20an Bizente Goikoetxea plazan egingo den ekitaldia eta hilaren 27an Bergaratik Aramaiora egingo den bizikleta martxa. 25 kilometroko martxa izango da, 'Kanto'-k espetxean egin duen urte bakoitzeko kilometro bana. Herrira-k bideo bat egin du ekitaldion berri emateko; jarraian ikusgai.
Herrira-koen arabera, babes zabala jaso dute: "Egitarau sendoa antolatu dugu Bergarako eta Aramaioko Herrira-ko kideok, bi herrietako hainbat talde eta eragileren laguntzarekin", diote.
Kanto-k apirilaren 22an 25 urte beteko ditu espetxean. 1988ko apirilaren 22an atxilotu zuten, eta ordutik Espainiako hainbat espetxetatik pasatu da. Egun Zuerako (Zaragoza) espetxean dago. 197/2006 doktrina ezarri zioten eta 2018ra arte luzatu diote kondena.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.