Elgetara bidali dute abisua
Egubakoitzerako, hilaren 5erako, abisu horia ezarri dute elurragatik eta baita muturreko tenperatura baxuengatik ere. Meteorologia zuzendaritzak elurra 600 metrora egingo duela iragarri du; hala, Elgetako Udalean jaso dute abisua. Oxel Erostarbe alkateak twitt bidez zera esan du: "Barikuan edurra egin leike #elgeta _n. Abixuak diño 500-600 metrotan egingo dabala, aemet-ek 300-400ian, eltiempo-k ez dabala egingo. Ia..."
Arrisku horiak zera esan gura du: biztanleentzat ez da arazorik egongo, baina bai aktibitate jakin batzuentzat.
Bihar, txarrera egingo du
Biharko, eguena, ondorengo iragarpena egin dute: euria egingo du goiz partean. Eguerdian elur-kota 1.500 metroren bueltan kokatuko da eta egunaren amaieran 700-800 metroan. Tenperatura maximoak asko jaitsiko dira.
Egubakoitzean, elur-kota 500 metroan
Egubakoitzean eguraldi txarra egingo du. Elur-kota 500-600 metrora jaitsiko da eta tenperaturak ere nabarmen egingo du behera.
Zapatuan elur-kota igo egingo da
Zapatua ere euritsu esnatuko da. Elur-kota 500-600 metroan kokatuko da baina egunak aurrera egin ahala elur-kota igo egingo da, 1.000 metro ingurura. Tenperaturan ez da aldaketarik izango.