Iturripen jokatu da eskubaloiko derbia. Hasieratik ikusten zen norgehiagoka gogorra izango zela, bizia bai, behintzat. Arrasatearrak aurretik ipini dira markagailuan; "hasieran lo xamar irten garela ematen du", adierazi du Jon Agirre Soraluce BKEko jokalariak epaileak amaiera iragarri eta gutxira.
Atsedenaldia iristean, sei goletako aldearekin zihoanaurretik markagailuan etxeko taldea (14-8). Bigarren zatian, baina, gogotsu irten dira bisitariak jokalekura, eta zailtzen joan zaie egoera Ford Mugarriko jokalariei.
Hori horrela, ez dute erraza izan garaipenerako bidea, eta taldeak azken minutura arte sufritu du irabazteko. Bergararrak golez gol gerturatzen joan dira, baina ez dute egunik onena izan Muniategiren mutilek.
Garaipenarekin, arrasatearrek igoera fasea jokatzeko txartela eskuratu dute matematikoki. "Oso pozik gaude emaitzarekin, gogor lan egin dugu eta irabaztea lortu". Hala azaldu digu Aitor Txabarri atezainak.