Arrasateko JMA enpresak bi sari ekarri ditu: batetik, Ferroformako erakusketa-postu onena gisa aukeratu zuten arduradunek. Beste 10 bat enpresa ere aurkeztu ziren lehiaketa horretara. Sari horri esker, Ferroforman berriz parte hartuz gero, %10eko beherapena izango du JMAk bere postua ipintzeko.
Eskoriatzako Assa Abloy-TESAk Berrikuntza Saria irabazi zuen, beste lau enpresarekin konpartituta.
Azkenik, 20 Urteurren sariak eman zituen Ferroformak, azokaren 20 edizioetan, denetan izan diren enpresei eskerrak emateko. JMA (Alejandro Altuna) eta Assa Abloy-TESA izan ziren sarituen artean. Beste 18 enpresa ere sari horrekin eskertu zituzten antolatzaileek.