Hemen Askapenaren agiria osorik:
"Askapenak, Euskal Herriko Erakunde Internazionalistak, Hugo Chavez Frias komandantearen heriotza dela eta, Venezuela Bolibariarrari besarkadarik iraultzaile eta sentikorrena bidali nahi dio. Ukaezina da berri latz honek eragin digun samina euskal herritarron bihotz internazionalistetan, eta ukaezina da, duela 15 urtetatik hona errepublikako buruzagi eta prozesuaren ikur izan denaren heriotzak suposatu duen galera Inperialismoaren aurkako borrokan.
Herri antolatu honek duda izpirik gabe jakingo du aurrera egiten, hain justu, iraultza bolibariarraren etsaiek desestabilizazio eta intoxikazio makinariak azkartuko dituzten garaiotan. Milioika lagun dira, lehen bezala orain, hasitako prozesua sakondu eta sendotuko dutenak.
Venezuela bolibariarra izango da! Orain eta beti!
Euskal Herritik gure konfiantza berrestu nahi dugu Venezuelako herri langilean, atzera bueltarik ez duen prozesu iraultzailea aurrera eraman dezan. Prozesu Bolibariarraren borrokak eta lorpenak izaera estrategikoa dute sistema bidegabe eta kriminal hau gainditzea helburu dugun herri guztiontzat.
Honegatik, Euskal herritik gure elkartasun internazionalista eta iraultzailea berresten dugu iraultza Bolibariarrarekin, gurea ere badelako.
Agur eta ohore Hugo Chavez Frías Komandantea!
Hasta la victoria siempre!
Hamaika herri borroka bakarra!".
(Arrasateko hainbat pintada. Argazkiak: Askapena).