Halako lehenengo inaugurazioa 2014 bukaeran edo 2015 hasieran egin nahi du Juan Roig-en banaketa-kate handiak. Supermerkatu bakoitzak 40 lanpostu finko sortuko ditu, eta Euskadin 1.000 lanpostu berri izango dira, denak kontratu finkoarekin.
Mercadonaren Kanpo-Harreman arduradunak, Patricia Cortizasek, eman dio Eusko Jaurlaritzaren Garapen Ekonomiko eta Lehiakortasun Sailari Mercadonak EAErako dituen asmoen berri. Haren esanetan, Mercadonak EAEko ekonomia "dinamizatzen" eta "aberastasuna eta enplegua sortzen" lagundu nahi du.
Mercadonaren prentsa-oharraren arabera, kate horrek Euskadiko nekazaritza-produktu eta zerbitzu hornitzaileei urtero, gutxienez, 150 milioi euroko erosketak egiteko konpromisoa hartu du.