Atzokoa baino aurpegi hobea erakusten du gure ibarrak gaur. Goizeko lehen orduetan elurrak ziharduen arren, autoen joan-etorria oztopo bakoa izan da, eta herri barruetan ere, traba gutxiagorekin ibil zitekeen. Hori bai, herriaren arabera, elur kopurua handiagoa edo txikiagoa izan da, "Oñatin, Arrasaten baino elur dezenteago egiten dihardu", kontatu du lekuko batek. Elur gehien Elgetan pilatu da eta arreta eskatzen da Udaletik teilatuetatik jaus daitekenarekin.
Hurrengo orduak
Eguraldi iragarpenaren arabera, 500 metrora igoko da elur-maila hurrengo orduetan eta prezipitazio aukera txikia dago. Asteak aurrera egin ahala, egonkortzera joko du eguraldiak.