Zarautz, arerio zuzena, hartu dute Mondrako neskek asteburu honetan. Mojategi erabat zuritu da asteburuan eta baloia mugitzea ikaragarri zaildu du elurrak. Partidua amaitzeko 10 minuturen faltan heldu da etxekoen gola, Melanik egindako areaz kanpoko jaurtiketa baten ondorioz.
Garaipen garrantzitsua erdietsi du Mondrak, hiru puntuak batzeko beharra baitzuen. Datorren astean, Castejonen kontra jokatuko dute arrasatearrek. Puntu beharrean daude nafarrak, beraz, partidu zaila eta garrantzitsua izango da hau ere.