Lehen zatia hutsean amaituta, gutxik pentsa zezaketen bigarrena golez josita egongo zela. Sei gol batu dituzte guztira UDAk eta Tolosak, elkarren arteko norgehiagokan.
Lehen hiru golak UDAk sareratu zituen, Iker Sanchezek lehen biak eta Jokin Badillok hirugarrena. Zelai erditik gol ikusgarria sartu zuen Badillok. Tolosak, baina, markagailua berdintzea lortu zuen, azken minutuak ere borrokatuz. Amaieran, hirunako berdinketa.