Gaur goizean askok elurrarekin disfrutatzeko momentua izan dute, mendian zein etxe ondoko parkean. Beste batzuk, ordea, partidua jokatu ezinik gelditu dira. Azkoagain zeharo zurituta esnatu zen domeka goizean eta Aloñaren eta Beti Gazteren arteko norgehiagoka bertan behera gelditu da. Federakundeak ez du oraindik atzeratutako partidua noiz jokatuko den adierazi, baina litekeena da, Aste Santuko oporraldiko egunen batean jokatzea. Momentuz, data zehatza jakiteko itxaron egin beharko da.
Mondraren aurkako derbia
23. jardunaldia igarota eta partidu bat gutxiagorekin, oñatiarrak sailkapeneko hamargarren postuan daude, 29 punturekin. Lesakarrak, ostera, postu bat beherago daude, hiru puntu gutxiagorekin.
Asteburu honetan derbia jokatuko da, Mondraren eta Aloñaren artekoa, Mojategin. Joaneko partiduan, urri amaieran, arrasatearrek 0 eta 3 garaitu zuten Aloña, Azkoagainen.