Zortzi urtez, Debagoieneko herriak munduko kulturen erakusleiho izan dira Mundumira jaiaren eskutik. Antolatzaileek diote, zortzi urteren ostean, jaialdiaren ibilbidearen lehen zikloa itxi egin dela: "2005an izan zen Arrasaten lehen Mundumira, Munduko Kulturen Festa. Zortzi urteren ostean, jaialdiak ibilbidearen lehen zikloa itxi du Gipuzkoako Debagoieneko eskualdea osatzen duten zortzi udalerrietatik pasa eta gero".
"Aho batez" hartutako erabakia
Eta orain, esan bezala, jaialdi horrek etenaldia izango duela iragarri dute. Jaialdiaren antolatzaileek jakinarazi dutenez, "erabakia aho batez" hartu dute: Debagoieneko Mankomunitateak, Euskal Herria aldizkariak eta Ginmusica musika sustatzaileak.