UDA
Oso gogor hasi ziren bi taldeak baina azkenean 3 puntuak Hernani aldera jo zuten. UDAk aukera asko izan zituen lehenengo zatian, baina Hernanikoek geldikako jokoan arrisku handia dute eta bigarren zatiko 15. minutuan buruz egin zuten 0-1ekoa.
Aloña
2-0 galdu zuten Oñatikoek zapatuan, partidu serioa egin arren. Oiartzunek baino gol aukera gehiago egin zituzten. Hala ere, ez zuten zorterik izan eta azken 15 minututan jaso zituzten bi golak, bigarrena penaltiz.
Bergara
Sailkapeneko goiko postuengatik borrokatzen gogor jarraitzen dute Bergarakoek. Jardunaldi honetan Trintxerperen zelaian 0-4 irabazi ondoren, 6. postuan daude, hurrengo taldetik 7 puntutara. Datorren astean partidu gogorra jokatuko dute etxean Oiartzunen aurka.