"Hausnarketa parte hartzaile eta mamitsua" izan dela adierazi dute Sortu alderdiaren Debagoieneko bultzagileek, eta "emendakin ugari" izango dituztela bozkatzeko. Horiek guztiak Sorturen webgunean helbidean eskuratu daitezke. Bestalde, oraingo asteko batzar horietan herri, herrialde eta nazio mailan Sorturen hautagaiak zeintzuk izango diren ezagutzeko aukera izango dela aurreratu dute.
Ordezkariak aukeratzen
Asteko batzarren ostean, egubakoitz eta zapatuan, Sorturen herri, herrialde eta nazional mailako ordezkariak zeintzuk izango diren erabakiko dute, "guztion artean egingo ditugun barne hauteskundeetan". Bertara gonbidatuta daude "beren burua Ezker Abertzalekotzat duten herritar guztiak".
Sorrera kongresua 23an
Azkenik, Sorturen sorrera kongresua otsailaren 23an, zapatua, Iruñeko Baluarten egingo dute. Bertan "parte hartuko dute herrietan aukeratutako 500 ordezkariek, hainbat alderdi politiko, sindikatu eta eragile sozialek eta nazioartetik etorritako pertsonalitate ugarik".
Sortu sortzeko prozesua amaitzeko, 23an arratsaldean ekitaldi politikoa egingo da Iruñeko Anaitasuna Kiroldegian. Bertara joateko deia egiten dute Debagoieneko ezkertiar eta abertzale guztiei, horretarako autobusak ere antolatuko dira herrietatik.