Lau partidu ziren jokatzekoak Bergarako pilotariak zapatu arratsaldean, Antzuolako pilotalekuan, baina bat bertan behera geratu zen. Hala, azkenean, Etxabarri eta Etxaniz 2. urteko alebinek Goierri 1-en kontra jokatu zuten, eta 16-8 irabazi; Gallastegi eta Haritz Rezusta senior mailakoek, Igeldoren kontra, eta 22-5 irabazi; eta Euskal Ligako eskuz banakako partidua, Tolosako Aurrera Saiaz klubaren kontra, Beñat Rezustak 22-4 irabazi zuen.
Reyes Azkoitiak esan digunez, hiru partiduetan ere bergararrek dominatu zuten. Hala, Etxabarri eta Etxaniz ondo konplementatu ziren elkarrekin; seniorrak 4-2 galtzen hasi ginen, baina "hortik aurrera atzean eta aurrean nagusi" izan ziren; eta "Beñat Rezustari buruz burukoan kontra egitea oso zaila da, jotzen diferentzia handia ateratzen dielako aurkariei".
Martitzenean, lau t'erdiko banakakoak jokatuko dira 19:30ean: Ander Muguruza Sanchoren aurka, eta Arrieta, Ansoategiren aurka.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.