Baldintza berezietan hartu ahal izango dituzte errentan etxebizitza horiek kaltetutako familiek. Hileko 150 eta 400 euro arteko alokairuak izango dira, eta familiak bere errentaren %30a baino gehiago ez du ordaindu behar izango. Kontratua bi urterako izango da, eta hirugarren urte baterako luzatu ahal izango da, tarte horretan onuradunaren egoerak ez badu hobera egin. Hobera egin badu, alokairurako baldintzak aldatu ahal izango dira.
Beharrean daudenek etxe-hustea eragin zuen finantza-erakundera jo behar dute martxoaren 31 baino lehen.
Aukera hori izateko, baldintza hauek bete behar dira:
- 2008aren urtarrilaren 1a eta gero, hipoteka ez ordaintzeagatik etxetik kaleratutakoa izatea
- Urtero 19.000 euro baino gehixeagoko errenta izatea
- Beste etxebizitzaren jabe ez izatea
- Familia ugaria izatea, edo bi seme-alaba edo gehiago dituen guraso bakarra
- Langabea izatea eta prestazioa gehiago ez kobratzea