Joan den urtean 37.429 pertsona (29.758 gizonezko eta 7.671 emakumezko) enplegu-erregulazioko hiru modalitateren batean egon ziren Euskadi osoan. Kopuru absolutuan, 15.357 langile gehiago dago egoera horretan 2011. urtearekiko, %69,58 gehiago.
Modalitateka, etendura espedienteek 28.627 langileri eragin zieten; murriztapenekoek 5.466ri; eta desegitekoek 3.336 langileri.
Espediente-kopuruen aldetik, 2012. urtean Eusko Jaurlaritza Lan Zuzendaritzak onartu zituen 2.636 errekurtso, eta aurreko urtean 1.560. Kopuru osotik, 13 nekazaritza-sektorekoak ziren (%0,49); 431 eraikuntzakoak (%16,35); 1.101 industria-sektorekoak (%41,77); eta 1.091 zerbitzuen sektorekoak (%41,39). Eragindako pertsonei dagokienez, 112 izan ziren nekazaritza sektorekoak (%0,30), 4.128 eraikuntzakoak (%11,03), 22.939 industriakoak (%61,29) eta 10.250 zerbitzuen sektorekoak (%27,39).
Aurreko urteetan bezala, 2012. urtean Komitearen eta Enpresa Zuzendaritzaren arteko akordioa %90koa izan zen batez beste. Abenduan, adibidez, %92,5koa izan zen datu hori.
Gipuzkoan kaltetuena, Donostialdea
Eskualdeei dagokienez, eragin handiena jaso dutenak izan dira Arabako Lautada (364 espediente), Araban; Bilbo Handia, Bizkaian, 934 ERErekin; eta Donostialdea Gipuzkoan, azken hori 350 espedienterekin.
Joan den abenduan jakinarazi edo baimendu ziren 241 ERE, urte bereko azaroan baino %10 gehiago, baina 2011ko hilabete bereko %14 gutxiago. EREek eragindakoak 3.260 izan ziren 2012ko abenduan, urte bereko azaroan baino %61 gehiago eta %21 gutxiago 2011ko abenduan baino.
Bukatzeko, 2012ko bukaeran zabalik zeuden etendurako eta lanaldi murriztapeneko espedienteak 1.537 dira. Data berean, EREek eragindakoak 19.101 ziren.