Erreziboa hilero jasotzen jarraitu nahi dutenek hala jakinarazi beharko dute. Modalitate horretan, bi irakurketatik bat benetakoa da eta bestea estimazioen arabera egiten da.
Neurri horiek abenduan onartu zituen Espainiako Gobernuak, dekretuz, eta gaurko Estatuko Aldizkari Ofizialean agertzen dira.
Erabiltzaileak eta enpresak elkarrekin adostu dezakete hilean bi aldiz fakturatzea edo hilean kuota finko bat izatea.
Helburua da benetako kontsumoa fakturatzea, eta, horretarako, erabiltzaileek eurek irakurri ahal izango dute etxeko kontadorea eta banatzaileari datua eman.
Elektraindarraren faktura hilean birritan jaso ahal izango dute 15 kilowatt-eko edo hortik azpiko potentziak kontratatuta dituztenek, hau da, etxebizitza eta enpresa txiki eta ertain gehienak. Apirilean izango da aldaketa hori. Faktura mota horretan, benetako irakurketetako datuak fakturatzen dira, eta ez estimazioen gainekoak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak