Bi saio eskainiko dituzte Elgetan otsailaren 2an: 16:00etan eta 19:30ean. Sarreraren prezioa 15 euro da, 12 euro bazkideendako. Honako toki hauetan eskura daitezke: Bergarako Pikupe Produkzioak bulegoan, Bergarako Musika Eskolan, Elgetako Espaloia kafe antzokian, eta, Internet bidez. Lehen ikuskizunerako sarrera hemen, eta bigarren ikuskizunerako hemen.
Pikupe Produkzioen eta Bergarako Musika Eskolaren nahia da, Elgetaren ostean, musikala hiriburuetan eroatea, baina oraingoz ez dute ezer zehaztu. Peter Pan musikalaren euskarazko moldaketak laudorioak jaso ditu ikus-entzuleen eta kritikaren aldetik. Bergarako estreinaldian hiru emanaldi eskaini zituzten Bergarako Udal Pilotalekuan eta 2.400 lagunek ikusi zuten.