Arrasateko Loramendi kirol-dendako Itziar Uriartek azaldu digu eurek, beti bezala, urtarrilaren 7an hasiko dituztela beherapenak. "Kirol arropetako marjinak asko estutzen ditugu; ondorioz, ezin ditugu beherapenak aurreratu", dio. Gaineratu du aurten oraindik ez duela elurrik egin, eta, besteak beste, horregatik, salmentak ez direla onak izan. Bergarako Mirari arropa-dendako Mari Carmen Nogueirasek saltokiaren 25. urteurrenaren harira eskaintzak jarri zituen abenduaren 19an, eta gaurtik aurrera "beherapen gehiago" izango dituela dio. Hala ere, Gabonetako kanpaina "ahula" izan dela esan du.
Legedian aldaketak izan dira
Espainiako Gobernuak Beherapenen Legea aldatu zuen joan den uztailean. Hala, gaur egun komertzio bakoitzak erabaki dezake noiz ezarri beherapenak. Hau da, ez dute zertan data edo iraupen jakinik izan.