Facua kontsumitzaileen elkarteak salatu du beherapenak desarautzeak "kontrol eza" eragingo duela, izan ere, elkartearen esanetan, "erkidego autonomoek zailagoa izango dute behar diren ikuskaritzak, inspekzioak egitea".
Facuak gogor kritikatzen du uztaileko Errege-lege dekretua, izan ere, horrek "15 urtean izan direnaren parodia bihurtu ditu beherapenak". Facuaren iritziz, arau ezak "komertzio askok kontsumitzaileen kalterako egiten zituzten irregulartasun gehienak gertatzea ahalbidetuko du".
Espainiako Auzitegi Konstituzionalak tramitatu egingo du urrian Andaluziako gobernu autonomikoak errege-dekretu legearen kontra aurkeztu zuen helegitea, erkidego-eskumenak errespetatzen ez zirela uste izanda. Kataluniak ere baztertu egin du errege-dekretu lege hori.
Facuak erkidegoetako gobernuak animatzen ditu ikuskaritza kanpainak egitera eta arauak betetzen ez dituzten komertzioak zigortzera.
Beste kontsumitzaile-elkarte batek, FUCIk, herritarrek batez beste beherapenetan zenbat gastatzeko asmoa duten neurtu du, inkesta baten bidez. Horren arabera, Euskadin, 85 euro gastatuko dira batez besteko, iaz baino 7 gutxiago eta Espainiako batez bestekoa baino 5 gehiago.