Arrasaten, Udalaitz eta Txaetako etxebizitzak; Bergaran, Artzamendikoak; Eskoriatzan, Intxaurtxuetako 20. zenbakikoak; eta Oñatin, Bidebarrietakoak sartzen dira Eusko Jaurlaritzak uda partean egin zuen salmenta deialdian; hau da, ez dira hemen sartzen udalarenak diren etxebizitzak.
Debagoienean, erosketa eskaerak Deba Garaia immobiliariak kudeatu ditu. Bertako arduradun Jesus Markaidek esaten duenez, orain denbora bat eskaera egin zutenek oraindik erantzunik jaso ez badute, Etxebizitza Sailarekin harremanetan jartzea komeni zaie, izan ere, baliteke eskaeraren bat galdu izana. Beste aukera bat da immobiliariarekin harremanetan jartzea, 943 77 13 02 telefono zenbakian.