"2013a hasi gura dugu gure haserrea erakutsiz eta konpromiso zehatzak exijituz. Hori dela-eta, dei egiten dugu Debagoieneko herri guztietatik, alderdi politiko, sindikatu, erakunde, elkarte, mugimendu sozial eta, orokorrean, herritarrei elkarretaratzearekin bat egin dezaten", adierazi dute plataformatik.
Herritarrei eskatu gura diete "botere finantzari eta espekulatiboek diseinatu duten esklabutza mota krudel hori arbuiatzeko". Azpimarratu dute Debagoienean ere badela errealitate hori bizi duenik, eta horrexegatik dei egin dute arbuio hori erakusteko norberak bere kartulinak egin ditzala agerraldirako.