Bi debagoiendarrek lehia polita izan zuten atzeko koadroetan. Rezustak jo handia erakutsi zuen, batez ere ezkerrez, baina Bolinagak ongi eutsi zion.
Lehia ez zen atzean hautsi, eta bi aurrelariek izan zituzten errematerako aukerak. Ausart ibili ziren bai Jaka eta bai Arrieta, eta huts batzuk ere egin zituzten arren –atzean ere izan ziren hutsak– jokaldi politak ikusi ziren aurreko koadroetan: dejadak, airez txokoan utzitakoak, ezker gantxoak... denetik. Urdinak aldearekin ibili ziren partiduaren zati handienean; amaierako emaitzak ere hori erakutsi zuen.
Partidua eta omenaldia
Domekan, berriz, Gabonetako txapelketako finalak jokatu zituzten Bergaran –12 denera; gazteetan Aristik 18-Diezek 6 eta nagusietan E.Muguruzak 3-Rezustak 18–. Finalak amaituta Rezustak pilota sail osoaren eta Udalaren omenaldia jaso zuen –oroigarri bana eman zioten–, Munduko txapelagatik.